martes, 2 de marzo de 2021

 OFERTAS DE EMPLEO 2 DE MARZO DE 2021



Hay que contactar a través de milanuncios.

Emprendemento Xuvenil de "Acción Contra el Hambre"

 Desde o Itinerario de Emprendemento Xuvenil de "Acción Contra el Hambre" informan dun novo ciclo de talleres en liña, que se desenvolverán do 22 de febreiro ao 5 de marzo de 2021.

Neste novo ciclo analizarán e traballarán de maneira dinámica e práctica as diferentes áreas do emprendemento necesarias para lograr que un negocio sexa viable (modelo de negocio, márketing, plan económico, financiamento, comunicación, etc.).

O ciclo consta de 10 talleres en liña de 4 horas de duración cada un de 10:00 a 14:00 horas.

Luns 22 de febreiro. O reto de emprender, da idea ao mínimo produto viable.
Martes 23 de febreiro. Convertendo a túa idea nun modelo de negocio. CANVAS.
Mércores 24 de febreiro. Planifícao e dáte a coñecer: márketing e comercialización (I).
Xoves 25 de febreiro. Planifícao e dáche a coñecer: márketing e comercialización (II).
Venres 26 de febreiro. Como difundir a túa empresa na internet?
Luns 1 de marzo. Transforma a túa contorna! Economía circular.
Martes 2 de marzo. A túa idea en números: plan económico-financeiro.
Mércores 3 de marzo. Trámites administrativos: financiamento, axudas e protección de datos.
Xoves 4 de marzo. Comunicación e técnicas de venda.
Venres 5 de marzo. Experiencias de éxito e de adaptación ao cambio. Networking.

Requisitos
A condición para participar nos talleres segue sendo ser menor de 30 anos e estar rexistrado no Sistema Nacional de Garantía Xuvenil. Coa novidade de que as persoas en ERTE tamén poderán darse de alta no sistema de Garantía Xuvenil, ademais das persoas en situación de desemprego e/ou que non están a estudar.

https://www.accioncontraelhambre.org/es/somosgeneracionin 

luns, 1 de marzo de 2021

Xeración e presentación de solicitudes para as listas de contratación temporal

 Esta aplicación permitiralle xerar todas as solicitudes normalizadas para as listas de contratación temporal e presentar telematicamente as solicitudes que teñan habilitada esta funcionalidade.

https://www.xunta.gal/funcion-publica/contratacion-temporal/xeracion-de-solicitudes?fbclid=IwAR0rZgX15Bp_kXMkA_wxWd2wjICinmlpWOtrR-RIJqieJgwTh-2HCRh-_i4


venres, 19 de febreiro de 2021

European Space Camp

 European Space Camp é un campamento de verán que terá lugar no verán de 2021, este campamento dáse de forma anual e leva a cabo no Centro Espacial Andøxa no norte de Noruega.  

O fin desta experiencia é que traballando en grupos, usedes a vosa creatividade e aprendades a cooperar, executando diferentes aspectos dunha verdadeira campaña de foguetes, incluído o lanzamento en si.  

ESC require a 24 mozos/as de idades comprendidas entre os 17 e os 20 anos (con data de nacemento entre o 1 de xaneiro de 2001 e o 31 de decembro de 2004), que estean interesados preferentemente na Física Espacial e de foguetes, e que posúan unha formación en Física e Matemáticas.
É necesario falar inglés de forma fluída e ter paixón pola ciencia.

Os participantes pasarán unha semana facendo experimentos técnicos relacionados cunha campaña de foguetes, traballando como verdadeiros científicos, aprendendo a explotar o coñecemento que xa posúen e ampliando a súa comprensión da ciencia aplicada. Tamén haberá unha serie de conferencias dalgúns dos mellores científicos e enxeñeiros de Europa sobre temas que van desde a física dos foguetes ata a aurora  boreal.

Hai algunhas bolsas de axuda de viaxe: https://spacecamp.no/scholarships/

Prazo: 1 de abril de 2021

martes, 16 de febreiro de 2021

 





Lingua de namorar 2021

Lingua de namorar é un concurso en liña de mensaxes de amor en lingua galega dirixido a todos os mozos e mozas de 14 a 35 anos.

O obxectivo principal de Lingua de namorar, organizado polas consellerías de Cultura, Educación e Universidade e Política Social, é dinamizar o uso da lingua galega entre os mozos e mozas nas súas relacións persoais e nas novas tecnoloxías, nomeadamente, na Internet e na mensaxería instantánea.

Para participar no concurso nas categorías A (de 14 a 19 anos) e B (de 20 a 35 anos), só cómpre cubrir e enviar este formulario. As mensaxes que participen nestas dúas modalidades publicaranse na páxina do concurso: http://xuventude.xunta.es/linguadenamorar

Para participar na nova categoría C (exclusiva para Instagram), cómpre ser seguidor/a de @xuventudegalicia e de @linguagalega.

As mensaxes publicaranse directamente na imaxe habilitada para o concurso #LinguaDeNamorar no perfil @xuventudegalicia. No texto indicarase en primeiro lugar un cancelo que recolla o título e despois a mensaxe. Ao final da publicación, engadiranse os seguintes cancelos e etiquetaxes: #LinguaDeNamorar #NamorarEnPandemia @LinguaGalega. Etiquetaranse tamén dúas amizades de IG.

Cada participante poderá enviar ata dúas mensaxes cunha extensión máxima de 350 caracteres no caso das categorías A e B, e 200 caracteres na categoría C (de IG), incluídos os espazos en branco.

Características das mensaxes

Cada participante poderá enviar ata dúas mensaxes cunha extensión máxima de 350 caracteres no caso das categorías A e B, e 200 caracteres na categoría C (de Instagram), incluídos os espazos en branco.

 

Categorías de idade e premios

Establécense tres premios por cada unha das categorías de idade A e B:

- 1º Bicicleta eléctrica BK1000 Youin ebike Amsterdam

- 2º Tableta ZA4G0023SE Lenovo tablet 10,1” 2/32GB

- 3º Cámara WILD4 3GO cámara deportiva 4k

Establécese un premio para a categoría C:

- 1º Bicicleta eléctrica BK1000 Youin ebike Amsterdam

 

Prazos de participación e votación

O prazo para enviar as mensaxes remata ovenres 12 de marzo.

Do 15 ao 23 de marzo abrirase o período de votación. As persoas que desexen votar polas súas mensaxes favoritas nas categorías A e B deberán cubrir o formulario que se habilitará para o efecto na páxina do concurso.

No caso da nova categoría C, a mensaxe gañadora seleccionarase en dúas fases:

1. O xurado do concurso fará unha preselección de 6 mensaxes de entre todas as presentadas en prazo que respecten o indicado nestas bases.

2. O 31 de marzo daranse a coñecer as 6 mensaxes preseleccionadas polo xurado, que concorrerán á votación final do público dende o 1 ao 8 de abril. Rematado o prazo de votación computaranse os gústame que reciba cada mensaxe e gañará aquela que acade un maior número de gústame por parte do público. No caso de que exista empate entre dúas ou máis mensaxes prevalecerán no cómputo o número de gústame dados por parte de seguidores/as de @xuventudegalicia e @linguagalega. A organización reserva o dereito de establecer calquera outro procedemento de desempate.

 

Resolución do concurso

A listaxe cos nomes das persoas gañadoras e finalistas nas tres categorías publicarase o 12 de abril. Tanto as mensaxes gañadoras como finalistas daranse a coñecer publicamente en http://xuventude.xunta.es/linguadenamorar e nos IG @XuventudeGalicia e @LinguaGalega.

 

Entrega de premios

No mes de abril terá lugar a entrega de premios.

 

 


bases vota-mensaxes


categoriaA categoriaB BotonC 2

 

Sorteo, utilizas o #CarnéXove?

Utilizas o #CarnéXove? Presume do que mercas e gaña un vale de 50 € en libros para utilizar nas librarías da Federación de Librarías de Galicia adheridas ao Carné Xove! Queremos 

carnexovesorteo3saber para que usas o #CarnéXove.

Para participar neste sorteo, destinado a persoas mozas galegas con carné xove vixente, tes que:

1. Subir unha Story a Instagram dalgún produto/servizo adquirido co desconto do #CarnéXove
2. Utilizar o cancelo (hashtag) #CarnéXove, mencionar a @xuventude e indicar o nome do establecemento/marca onde fixeches a compra (se ten Instagran, menciónaa tamén)
3. Fai captura da túa participación.

As persoas participantes poden participar, se cumpren os requisitos, as veces que o desexen. Este sorteo iniciarase ás 13.00 horas do día 10 de febreiro de 2021 e finalizará ás 11.59 horas do día 25 de febreiro de 2021.

Para máis información, consulta as bases do concurso:

Bases en galego

Bases en castelán



martes, 9 de febreiro de 2021


Silencio...

O Concello de Taboadela convoca o seu segundo concurso de fotografía coa temática do Silencio.

Poderán participar no concurso calquera persoa residente en España.

O tema do 2º concurso de fotografía do Concello de Taboadela será "Silencio"

Cada participante poderá presentar un máximo de 3 obras, sendo orixinais e inéditas e non presentadas previamente noutros certames, sitios web ou calquera outro soporte dixital ou impreso.

Os traballos presentaranse a través da páxina de Facebook de Taboadela, que os xestionará e difundirá. Será necesario acompañar cada obra cun título do mesmo, nome do autor e formulario de contacto

prazo de presentación dos traballos estará aberto ata o 30 de xuño.

Premios:
1º premio: 200 euros
2º premio 100 euros
3º premio 50 euros.
A foto ganadora será a protagonista do calendario anual do concello.

http://concellodetaboadela.com/ii-concurso-de-fotografia-do-concello-de-taboadela


Voluntariado para Rexenerar Odemira, proxecto solidario en Portugal

 

A Asociación Gaia Alentejo, de Portugal está a buscar mozos/as entre 18 e 30 anos para facer un proxecto do Corpo Europeo de Solidariedade  en S. Luís, Odemira e Sabóia, Portugal, por un período de 12 meses, que comezará o día 1 de abril de 2021

O Corpo Europeo de Solidariedade é unha acción de voluntariado financiado pola Comisión Europea que cobre unha boa parte dos gastos de Desprazamento (segundo distancia en Km), e o 100% do aloxamento, comida, formación lingüística, transporte local…

As persoas interesadas deben mandar a súa carta de motivación e CV, ambos en inglés, antes do 21 de febreiro á seguinte dirección de mail:  juventude@cm-odemira.pt

Infórmase que os seleccionados deberán participar nunha formación á saída, obrigatoria e que nestes momentos estamos a realizar de maneira telemática. A cal se realizará cando a persoa voluntaria sexa seleccionada.

Máis información da Asociación: https://gaiaalentejo.wordpress.com/

Máis información do proxecto: https://europaerestu.eu/wp-content/uploads/2021/01/ESC-Odemira-PT-2021.pdf