xoves, 28 de decembro de 2017

#NonSmokingChallenge



Sabías que o teu corpo tarda entre 24 e 48 horas en regular a túa tensión arterial ata valores normais despois dun cigarro? Ou que o tabaco cambia o sabor á comida? En seis semanas deixarás de asfixiarte cando corres e en seis meses, dependendo do que fumes, poderías chegar a aforrar ata 600 euros. Xa tes para unhas vacacións! Estes son algúns dos beneficios de pasar dos malos fumes e deixar o tabaco. Estes e moitos outros os podes atopar na web da nova campaña do Ministerio de Sanidade, Servizos Sociais e Igualdade, chamada #NonSmokingChallenge.
O obxectivo desta nova campaña é promover actitudes de vida saudable entre a mocidade, proporcionando ferramentas para previr o inicio do consumo de tabaco e para favorecer o abandono. Ademais encerra obxectivos específicos, como o fomentar unha imaxe positiva do rexeitamento ao tabaco e dos produtos relacionados e eliminar falsos mitos ou crenzas asociadas ao seu consumo.
Esta nova iniciativa xorde nun contexto no que o tabaquismo constitúe o principal problema de saúde pública prevenible nos países desenvolvidos, sendo a primeira causa de mortalidade e morbilidad evitables no noso país e o resto de países da nosa contorna. E é a mocidade a que ten nas súas mans acabar co tabaquismo, como subliña a campaña.
Segundo os últimos datos oficiais, o 31,4% dos estudantes de 14-18 anos fumou tabaco nos 12 meses anteriores e a idade media de inicio é 13,9 anos. Aínda que tradicionalmente o consumo era maior nos homes, as diferenzas están a acurtarse polo cambio de patrón, de forma que entre os estudantes de 14-18 anos xa destaca o maior consumo en mozas que en mozos (33,2% das mozas e o 29,6% dos mozos fumaran nos 12 meses anteriores).
Sumate ao #NonSmokingChallenge. Acepta o reto!
A campaña expón o acabar co tabaco como un reto para seguir, equiparándoo a outros retos virais como o #MannequinChallenge ou o #IceBucketChallenge, de gran popularidade nas redes sociais, polo que a campaña aparecerá especialmente nestas, co obxectivo de chegar á mocidade.
http://nonsmokingchallenge.com/

 

venres, 8 de decembro de 2017

Protexe os teus datos na rede con "Ti controlas na internet"



Protexer os nosos datos na internet é primordial para unha navegación segura. Por iso, a Axencia Española de Protección de Datos (AEPD) elaborou os materiais "Ti controlas na internet" e organizou o taller para familias "Os menores e o seu cibermundo". Esta nova campaña de prevención está destinada a mozas e mozos de entre 7 e 17 anos.
Navegar por internet pode ser perigoso se non sabemos protexer ben os nosos datos en certas situacións. Por iso, hai que saber que cousas compartir e cales non. Co obxectivo de ensinar tanto a mozos como a familias a navegar de maneira segura na rede, a Axencia Española de Protección de Datos (AEPD) publicou na súa web unha serie de 4 vídeos denominados "Ti controlas na internet".
No primeiro deles ínstase aos mozos a non ser partícipes do abuso escolar a través de redes sociais, e denunciar os casos que coñezan. Noutro, lémbrase que a pegada dixital que deixamos tras o uso da rede é permanente, e que non se deben compartir contido de carácter íntimo con outros usuarios, así como aspectos da súa vida que poidan expoñelos.
Por último elaborouse un vídeo no que se pretende animar ás persoas novas a optar por actividades de lecer lonxe das pantallas dos computadores e móbiles, e a gozar do tempo libre con actividades físicas.
En  conjuto cos vídeos, a  AEPD dispuxo dunha Guía destinada a centros educativos para tratar nas aulas consellos e recomendacións para navegar seguros por internet, con actividades que axuden aos alumnos para sentar as bases dun uso seguro da rede.
Ademais, existe o curso familiar "Os menores e o seu  cibermundo", no que a través de vídeos explicativos ensínase a crear contrasinais seguros, coñecer as distintas plataformas sociais e como facer bo uso delas, a acompañar a pais e nais aos menores na navegación, a detectar perigos e protexerlles deles e medios de actuación contra o acoso escolar a través de redes sociais.

http://www.tudecideseninternet.es/agpd1/

luns, 4 de decembro de 2017

Parlamento Xove 2018



A Dirección Xeral de Xuventude, Participación e Voluntariado abre o prazo para a inscrición na novena edición de Parlamento Xove.
Destinatarios: centros educativos de 1º e 2º de Bacharelato e 3º e 4º de Educación Secundaria Obrigatoria.
O Parlamento Xove é unha competición na que os diversos equipos inscritos, formados por catro alumnos/a e un profesor que será o coordinador,  investigarán e debaterán sobre un tema formulado pola organización. O programa realizarase en dúas fases, unha primeira clasificatoria da que xurdirán oito equipos gañadores, que se enfrontarán nunha segunda fase final. Paralelamente, se desenvolverá un concurso voluntario de artigos de investigación sobre o tema formulado. A dificultade da actividade está en que só cinco minutos antes de cada encontro dialéctico procederase ao sorteo da postura a adoptar por cada equipo, ‘a favor’ ou ‘en contra’, en relación á cuestión formulada.
O obxectivo desta iniciativa é fomentar entre a xuventude o diálogo como ferramenta para argumentar razoadamente as ideas propias; ao tempo que se potencian as habilidades individuais e grupais promovendo a selección de información, a expresión oral e escrita, as competencias básicas, a orixinalidade, a argumentación razoada, o traballo en equipo e a convivencia. Tamén se fomenta a tolerancia, a toma de conciencia no comportamento democrático e respecto polas ideas dos demais.

Toda a  información no seguinte enlace:
http://www.parlamentoxove.com/