mércores, 16 de xuño de 2021

 

15-06-21


OBRADOIRO DE PARKOUR

 

 

Aberto o prazo de inscrición para o Obradoiro de Parkour, esta actividade gratuíta, está destinada a rapazas e rapaces con idades comprendidas entre os 12 e os 30 anos. A actividade desenvolveranse o domingo 4 de xullo en horario de 16:30 a 19:30 no Espazo Xove de Lalín.

 

O obradoiro vai ser impartido por Gael Zarza profesor de Gravitty Humans in Motion especialista de body combat, ximnasia deportiva e parkour, cunha ampla bagaxe no ámbito deportivo tanto desde o punto de vista da páctica, monitorización  como do entrenamento físico.

 

Para solicitudes e información, no propio Espazo Xove de Lalín, 

ou chamando tlfno. 886 15 12 67, e-mail: espazoxovelalin.xuventude@xunta.gal





Espazo Xove Lalín
Rúa Penatores, 2
36500 Lalín
886151267


 


15-06-21

OBRADOIRO DIY TUNEANDO A TÚA ROUPA 

Aberto o prazo de inscrición para o obradoiro DIY Tuneando A Túa Roupa, destinado a mozos e mozas entre 14 e 30 anos. 

O obradoiro terá lugar os días 21, 22 e 23 de xuño de 18:00 a 20:00 no Espazo Xove de Lalín. Actividade de balde que precisa de inscricións previas. 

Para máis información e inscricións, no propio Espazo Xove de Lalín, ou chamando tlfno. 886 15 12 67, e-mail: espazoxovelalin.xuventude@xunta.gal 






xoves, 10 de xuño de 2021

 

10-06-2021


PROXECTO EXPOSITIVO XUVENTUDE CREA, MÁIS DUNHA DÉCADA. 

UNHA MIRADA AO PASADO, UNHA MIRADA AO FUTURO 



O proxecto expositivo Xuventude Crea, máis dunha década. Unha mirada ao pasado, unha mirada ao futuro, está composto por unha treintena de pezas de disciplina tales como deseño de moda, graffiti, banda deseñada, pintura, escultura, fotografía e deseño de xoias; que configuran unha mostra multidisciplinar e multixeracional de artistas que formaron parte do programa Xuventude Crea. 

O proxecto preséntanos unha compilación da aposta cultural moza como motor da nosa sociedade, unha posta en valor da mocidade creadora autóctona que, nos máis de dez anos de vida deste certame, medrou e evolucionou baixo a atenta mirada das institucións que apostaron polo seu valor creativo e a súa proxección. 

A mostra que ten un carácter itinerante e que se pode ver no Espazo Xove de Lalín desde día 9 de xuño, reflexiona sobre os procesos de evolución, metamorfose e cambio que os e as artistas experimentan nas diferentes etapas da súa proxección. 

A temática convídanos a reflexionar sobre os puntos de partida, sobre os inicios, o transitar, os tempos mortos, os intermitentes, as caídas, as reformulacións, as interaccións, as metas e os finais; que dan pé a un novo inicio. 

Deste xeito, atopamos obras de artistas consolidados como Sheila Pazos, Thalita Dumont, Noelia Tojeiro Ramil, Ángel López Pérez, Iria Fafián, Miguel Aurelio Cajaraville , Fercho R. Miguélez, Margot Rodríguez Salvador, Paloma Tarrío Alves, Uxía Larrosa, Novenoel, Miguel Pérez Ramudo, Joan Morera Arbones, Lara Pintos, Ruth Miguel Díaz, David Fidalgo Omil, Rebeca Lar, Adrián Penido, Jonatan Blanco Pensado, Mar Ramón Soriano, Adriana Brantuas Arijón, Lis Mª García Calvo, David Catá, Alejandro Rego Díaz, Eva Antelo, Eva Soto Conde, Eva Baqueiro Gil, Lara Bande Huri, Sofía Rivas Souto, conxugando espazos onde reflexionar sobre os territorios físicos e emocionais, interiores e exteriores, prestándolle especial atención ao transitar que neles experimentamos e como estes son responsables e precursores dos nosos cambios. 

Obras que dialogan desde o arraigo ás raíces, a memoria e a importancia do colectivo para seguir avanzando. 

A exposición poderase visitar ata o 30 de xuño en horario de 9:00 a 14:00 e de 16.00 a 21:00 de luns a venres no Espazo Xove de Lalín. ESPAZO XOVE DE LALÍN

mércores, 9 de xuño de 2021

NOVAS ACCIÓNS FORMATIVAS relativas ao PROXECTO TI© EMPRENDES



 NOVAS ACCIÓNS FORMATIVAS relativas ao PROXECTO TI© EMPRENDES, cofinanciado polo Fondo Social Europeo e a Deputación de Pontevedra.

 

Todas teñen 125 horas de duración, dentro das cales se inclúen 25 horas de formación específica en emprendimento e titorías individuais e grupais de orientación na búsqueda de procura de traballo por conta propia ou allea.

 


 

MODALIDADE AULA VIRTUAL E SESIÓNS PRESENCIAIS:

 

👉  GUÍA DE ITINERARIOS Ó AIRE LIBRE (GRUPO 2),con data de inicio o 29/06/2021 ao 06/08/2021. Este curso permite adquirir as técnicas necesarias para guiar grupos de usuarios/as de actividades de montaña e rutas en bicicleta que ímos facer a través de aula virtual e sesións prácticas presencias en espazos naturais (outdoor). Temos beca dispoñible para as sesións presenciais e se facilitará medio de transporte, de forma totalmente gratuíto, para acceder ao lugares de realización de ditas sesións para aquelas persoas que non teñan posibilidade de transporte propio.

 

👉 OPERARIO/A DE XESTIÓN LOXÍSTICA E DIXITAL DUN ALMACÉN (CON MÓDULO DE CARRETILLEIRO/A)

 

 

MODALIDADE AULA VIRTUAL:

 

👉COMPETENCIAS DIXITAIS EN OFIMÁTICA

👉COMUNNITY MANAGER

👉 MARTEKING DIXITAL

👉 APLICACIÓN MÓBILES (APPS)

👉 CONTIDOS DIXITAIS: IMAXE, VIDEO E VIDEOXOGOS

👉 TENDAS ON LINE

 

 

 

📣Se tes entre 16 e 30 anos, non estás a traballar nin estudar, estás inscrita en garantía xuvenil(podemos axudarche a darte de alta) e vives 🏞️ nun concello rural, participa en TIC EMPRENDES!!!.

 

💪Unha oportunidade, INCRÍBETE XA!!!

 

📢Mais información nos teléfonos 886 217 320, 986 804 100 (ext.47320), móbil 649 109 776 (Herminia Dios) e na web https://www.depo.gal/tic-emprendes

 

martes, 8 de xuño de 2021

 AUXILIAR ADMINISTRATIVO/A AUTOMOCIÓN

Pontevedra
Se necesita auxiliar administrativo para incorporación inmediata para trabajo en Lalín ( Pontevedra) . Edad tipo 25 años sin exclusiones. Se valorarán dotes comerciales y titulación académica. aportar currículum vítae. Teléfono contacto : 639666800 // e-mail : grupojorcla2010@gmail.com


ADMINISTRATIVO-A
Lalin
Empresa del sector servicios con sede en la Comarca del Deza selecciona personal para Administración. Se requiere formación mínima Grado Superior, 2 años de experiencia en puesto similar, persona ordenada, enfocada a la relación con el cliente. Ofrecemos contrato laboral a media jornada 6 meses + indefinido. Retribución acorde al puesto. Deseable residencia en la zona.

 

Técnico/a especialista en actividades culturais na USC


A Universidade de Santiago de Compostela convoca probas selectivas para cubrir con persoal laboral fixo unha praza de técnico/a especialista en actividades culturais.
O prazo para presentar solcitudes estará aberto ata o 28 de xuño de 2021.
Máis información no DOG do 8 de xuño de 2021 e en https://sede.usc.es/formularios/solicitudes/seleccionPersoalLaboral.htm.



Técnico/a superior para o Centro Tecnológico del Mar-Fundación Cetmar


O Centro Tecnológico del Mar-Fundación Cetmar convoca probas de selección dun/dunha técnico/a superior para o proxecto Aquavitae.
O prazo para presentar solcitudes estará aberto ata o 29 de xuño de 2021.
Máis información no DOG do 8 de xuño de 2021 e en https://cetmar.org/.

luns, 7 de xuño de 2021

Covid e saúde mental na mocidade





A Asociación Española de Pediatría alerta ante o impacto psicosocial da pandemia entre a mocidade, que está empezando a saturar as consultas e as urxencias hospitalarias.

Duplícanse os casos de urxencias psiquiátricas infantís, os trastornos de conduta alimentaria, que son cada vez más graves, os casos de ansiedade, trastornos obsesivo-compulsivos, depresión e as autolesiones e intentos de suicido en adolescentes. Tamén se incrementou a violencia sobre os menores, os malos tratos e os abusos e disparouse o consumo de pantallas entrea mocidade.

https://www.aeped.es/sites/default/files/20210602_ndp_salud_mental_covid-19.pdf 

Que día tes que volver a clases?

 A Consellería de Educación publica no DOG do 4 de xuño o calendario escolar para o curso 2021/22

Cando se realizarán as actividades lectivas?
1. En educación infantil, educación primaria e educación especial desde o día 9 de setembro de 2021 ao 22 de xuño de 2022, ambos inclusive.
2. En educación secundaria obrigatoria, bacharelato e formación profesional, desde o día 15 de setembro de 2021 ao 22 de xuño de 2022, ambos inclusive. Non obstante o anterior, para o segundo curso de bacharelato a impartición efectiva de clases rematará de acordo coas datas previstas para a avaliación de bacharelato para o acceso á universidade (ABAU). Terán a consideración de días lectivos os dedicados á impartición efectiva de clases e aqueles que se dediquen á realización das probas e avaliacións finais das convocatorias ordinaria e extraordinaria.
3. Nas ensinanzas de réxime especial, as actividades lectivas realizaranse entre os días 15 de setembro de 2021 e 30 de xuño de 2022, de acordo cos calendarios de probas de acceso e probas de certificación establecidos para cada unha delas.

Vacacións escolares
Os períodos de vacacións escolares no curso académico 2021/22 serán os seguintes:
– Nadal: desde o día 22 de decembro de 2021 ata o día 7 de xaneiro de 2022, ambos inclusive.
– Entroido: os días 28 de febreiro, 1 e 2 de marzo de 2022.
– Semana Santa: desde o día 11 ata o día 18 de abril de 2022, ambos inclusive.

Durante o curso escolar celebraranse, como mínimo, as seguintes conmemoracións:
– 20 de novembro de 2021: Día Universal da Infancia.
– 25 de novembro de 2021: Día Internacional contra a Violencia de Xénero.
– Do 30 de novembro ao 7 de decembro de 2020: conmemoración da Constitución e do Estatuto de autonomía de Galicia.
– 3 de decembro de 2021: Día Internacional das Persoas con Discapacidade.
– 10 de decembro de 2021: Día da Declaración Universal dos Dereitos Humanos.
– 24 de xaneiro de 2022: Día Internacional da Educación.
– 30 de xaneiro de 2022: Día Escolar da non Violencia e da Paz.
– 24 de febreiro de 2022: Día de Rosalía de Castro.
– 8 de marzo de 2022: Día Internacional da Muller.
– 15 de marzo de 2022: Día Mundial dos Dereitos do Consumidor.
– Do 7 ao 11 de marzo de 2022: Semana da Prensa. Un día desta semana traballarase na aula con xornais.
– 7 de abril de 2022: Día Mundial da Saúde.
– Entre o 18 e o 22 de abril de 2022: Semana do Libro.
– 2 de maio de 2022: Día Internacional contra o Acoso Escolar.
– 9 de maio de 2022: Día de Europa.
– Do 16 ao 20 de maio de 2022: Semana das Letras Galegas.
– 5 de xuño de 2022: Día Mundial do Medio Ambiente.

martes, 1 de xuño de 2021

 

Auxiliar administrativo/a en Taboadela


    O Concello de Taboadela necesita contratar un/ha auxiliar administrativo/a.
    Prazo: 14 de xuño de 2021.
    Máis información no BOP de Ourense do 31 de maio de 2021



    Peóns forestais en Piñor

    O Concello de Piñor necesita contratar:
    4 peóns/peoas forestais
    1 xefe ou xefa de brigada
    Prazo: 4 de xuño de 2021.
    Máis información no BOP de Ourense do 29 de maio de 2021

    venres, 28 de maio de 2021

     



    ARTES PARA A INCLUSIÓN SOCIAL:XIRA INCLUSIVA DO PROXECTO JAMM-IN

     

    Unha vintena de persoas de moi diversas procedencias e realidades económicas, sociais e culturais levarán a diferentes puntos da nosa xeografía un espectáculo teatral creado aquí en Galicia e que chegará ao corazón de Europa nos meses vindeiros da man do proxecto JAMM-IN. Proxecto que traballa a inclusión social mediante as artes e que está cofinanciado polo programa Erasmus+ da Unión Europea.

     

    A xira inclusiva comezou o martes 25 na Casa da Cultura do Milladoiro, Nos días seguintes visitará as bisbarras das Mariñas (con paradas en Betanzos, Bergondo e O Temple, Cambre), a Costa da Morte (centros educativos de Cee) e a Galicia interior (comarcas do Ulla e Deza, Vedra e Lalín). Serán 12 representacións que incluirán coloquios entre as artistas e o público xuvenil a modo de encontro intercultural con persoas diversas, que axude a botar por terra estereotipos e convide a desenvolver narrativas de esperanza.

     

    Esta peza é froito do laboratorio teatral que dende o 20 de maio está a ter lugar no Albergue Xuvenil de Gandarío (Concello de Bergondo) no que participan persoas moi diversas tocante a súa singularidade persoal, procedencia cultural, situación social e historias de vida, mais todas elas persoas ao fin e ao cabo, persoas sensibles e sensibilizadas coa dignidade da humanidade.

     

    O proxecto chegará este venres 28 de maio ao Espazo Xove de Lalín nunha sesión jamm aberta a todas as artes e artistas que comezará ás 18h.

     

    O encontro é unha das primeiras acción internacionais deste tipo que se realizan en todo o continente europeo dende a declaración da pandemia sanitaria, con medidas de seguridade e sentidiño, mediante as artes queremos dar voz aos sen voz e dar renda solta á expresión da tan necesaria emocionalidade humana.

     

    Para máis  información: Espazo Xove Lalín

    886151267

    espazoxovelalin.xuventude@xunta.gal


                                                                                                                                                      Máis info sobre o proxecto en www.jamminproject.eu 


    ESPAZO XOVE DE LALÍN



    martes, 25 de maio de 2021

     Necesitas aloxamento para o próximo curso?:


    Máis aloxamentos:

    http://xuventude.xunta.es/images/FORMACI%C3%93N/Residencias

    _para_estudantes4.pdf

     

    Queres montar o teu propio campamento?:


    Campos de voluntariado (18-30 anos):

    http://xuventude.xunta.es/images/PROGRAMA_2021_CAMPOS_VOLUNTARIADO_def.pdf







     

    Convocadas 34 prazas de Arquiveiros, Bibliotecarios e Arqueòlogos do Estado.


    O Ministerio de Cultura e Deporte, convoca estas prazas por acceso libre. O prazo de presentación de solicitudes é de 20 días.
    Máis información: www.boe.es do 24 de maio.



    Convocadas 45 prazas de conservadores/as de museos do Estado.

    O Ministerio de Cultura e Deporte, convoca estas prazas por acceso libre. O prazo de presentación de solicitudes é de 20 días.
    Máis información: www.boe.es do 24 de maio.

     


    Convocadas 45 prazas de conservadores/as de museos do Estado.


    O Ministerio de Cultura e Deporte, convoca estas prazas por acceso libre. O prazo de presentación de solicitudes é de 20 días.

      Máis información: www.boe.es do 24 de maio.





      900 prazas de axudantes de Institucións Penitenciarias.

      O Ministerio do Interior, convoca estas prazas polo sistema de oposición. O prazo de presentación de solicitudes é de 20 días .
      Máis información: www.boe.es do 24 de maio.
      https://www.boe.es/boe/dias/2021/05/24/pdfs/BOE-A-2021-8568.pdf.







      martes, 18 de maio de 2021

       

      Iniciativa Xove 2021

      18 Mai 2021

        A Dirección Xeral de Xuventude, Participación e Voluntariado convoca o programa Iniciativa Xove que consiste en axudas económicas para a posta en marcha de iniciativas xuvenís, entendidas estas como proxectos liderados pola mocidade de Galicia, que se desenvolvan durante o ano 2021, e nos cales as persoas novas sexan as verdadeiras protagonistas, que participarán activamente na planificación e na realización das actividades deseñadas por elas mesmas.

        A finalidade das subvencións é fomentar e consolidar a participación libre e eficaz da mocidade no desenvolvemento político, social, económico e cultural, así como promover a adecuada utilización do lecer, a calidade de vida e o benestar dos mozos e mozas da nosa comunidade autónoma, a través de proxectos integrais e específicos de actuación.

        Áreas de atención prioritaria:
        a) Iniciativa Xove Emprendedora: proxectos que lle permitan á mocidade poñer en marcha as súas ideas no ámbito do emprendemento e da empregabilidade.
        b) Promoción de hábitos saudables e prevención de condutas de risco ou violentas entre a poboación xuvenil, así como sensibilización e loita contra calquera forma de discriminación, en especial contra a violencia de xénero.
        c) Posta en valor e promoción do Camiño de Santiago e do fenómeno xacobeo.

        Proxectos:
        Os proxectos deberán levarse a cabo no ámbito territorial da Comunidade Autónoma de Galicia.
        Só se poderá presentar un proxecto por solicitante e o seu orzamento total non poderá ser superior a 5.000 €.
        Considéranse gastos subvencionables aqueles que de xeito indubitado respondan á natureza do proxecto presentado, resulten estritamente necesarios para levalo a cabo e financien actividades realizadas desde o 1 de xaneiro ata o 15 de outubro de 2021.

        Neste enlace podedes ver proxectos subvencionados en edicións anteriores: http://xuventude.xunta.es/iniciativa-xove

        prazo para presentar solicitudes estará aberto ata o 14 de xuño de 2021.
        Solicitudes: https://sede.xunta.es co procedemento BS306B.
        Máis información no DOG do 14 de maio de 2021 e en http://xuventude.xunta.es/iniciativa-xove

         18/05/21

        EXPOSICIÓN “AS PRIMEIRAS XORNALISTAS, ELAS ESCRIBIRON A HISTORIA” 

        Secretaría xeral da Igualdade da Consellería de Emprego e Igualdade da Xunta de Galicia 

        12 ao 31 de maio no vestíbulo do Concello horario: 8:00 a 15:00 h

        A mostra, que recala agora en Lalín, e que poderá visitarse dende o 12 ata o 31 de maio no vestíbulo do concello, achega de maneira visual e didáctica ao público a traxectoria de escritoras comprometidas coa modernización política, social e cultural de Galicia. A exposición supón o merecido recoñecemento ao papel que xogaron as precursoras galegas da comunicación na loita pola igualdade entre mulleres e homes. Unha loita para a que se serviron do máis indestrutible instrumento de poder: a palabra, na súa escritura, na súa voz e na súa capacidade de comunicar. Neste sentido, a forza do seu legado na loita pola equidade laboral sobreviviu ao longo do tempo. A Xunta pon o foco nesta exposición nas mulleres que durante moito tempo foron silenciadas e invisibilizadas. E faino en espazos abertos ao público.

        Se queren visitala en grupos reducidos e para garantir unha mellor organización e seguridade. Envíen un correo a igualdade@lalin.gal, indicando o número de persoas que asistirán. 

         

        6 prazas persoal laboral de varias categorías no Concello de Xove (Lugo).



          As prazas son: 2 educador/a escola infantil, 1 limpador/a, 1 monitor/a ximnasia, 1 auxiliar servizos sociais e 1 oficial/a mantemento.
          O prazo de presentación de solicitudes é 20 días naturais. Máis información: www.boe.es do 18 de maio.



          4 prazas interinas(3 técnico/a residuos e 1 técnico/a APP Revitaliza) na Deputación de Pontevedra.



            O prazo de presentación de solicitudes é de 10 días naturais. Máis información: www.boppo.depo.gal do 18 de maio.
            https://boppo.depo.gal/web/boppo/detalle/-/boppo/2021/05/18/2021026486.




             

            17 prazas(Peon/a, monitor/a, administrativo/a, operarios/as) no Concello de Curtis (A Coruña)


              As prazas convocadas por concurso/oposición, son 9 peón/a, 3 monitor/a deportivo/a-entrenador/a, 2 operarios/as, 2 administrativos/as, e 1 orientador/a laboral.
              O prazo de presentación de solicitudes é de 20 días naturais. Máis información: www.boe.es do 17 de maio.
              https://www.boe.es/boe/dias/2021/05/17/pdfs/BOE-A-2021-8131.pdf.



              Bolsa de traballo persoal interino/a oficial de servizos no Concello A Garda (Pontevedra)


                O prazo de presentación de solicitudes é 20 días naturais. Máis información: www.boppo.depo.gal do 18 de maio
                https://boppo.depo.gal/web/boppo/detalle/-/boppo/2021/05/18/2021025652.




                venres, 14 de maio de 2021

                Tes entre 14 e 17 anos? Queres pasar una fin de semana gratis nun albergue xuvenil?

                 Aínda estás a tempo:



                Programación de fin de semana en albergues xuvenís

                primaveraxove alberguesEste programa levarase a cabo nos albergues xuvenís LugII, localizado na cidade de Lugo, e en Gandarío, no concello de Bergondo. Ofertaranse un total de 160 prazas que permitirán aos mozos e mozas ampliar as súas habilidades e competencias, así como participar en actividades físico-deportivas, de aventura e tecnolóxicas, fomentando actitudes de cooperación e respecto.


                Quen pode participar?


                O programa está dirixido a mozos e mozas empadroados en Galicia que teñan entre 14 e 17 anos no momento da solicitude e queiran gozar dun programa de actividades de educación non formal nos albergues xuvenís.


                Prazas


                O número de prazas dispoñibles en cada unha das opcións e fins de semana é de 20, o que suma un total de 160 prazas dispoñibles.


                Cando?


                Do 14 ao 16 de maio

                Do 21 ao 23 de maio

                Do 28 ao 30 de maio

                Do 4 ao 06 de xuño

                Prazo e método de inscrición


                O prazo de inscrición comezará o día 7 de maio ás 13.00 horas. 


                FORMULARIO DE INSCRICIÓN


                As prazas adxudicaranse, como se dixo anteriormente, por rigorosa orde de chegada dos formularios de inscrición ata esgotar todas as dispoñibles por programa.


                No formulario de confirmación de solicitude só se poderá elixir unha quenda, se ben no caso de que queden prazas libres, ofreceráselles aos mozos e mozas que presentaran xa unha solicitude de participación a posibilidade de inscribirse noutro programa no que haxa vacantes.


                Consulta todas as condicións de participación, requisitos e información sobre o programa no seguinte ENLACE 



                Saúdos